K9 bookshelf

▶

▶ 545 ❤ 0 💬 0

အပျော်ကနေ အပျက်    ကျွန်တော့်မှာသူငယ်ချင်းတစ်ယောက်ရှိတယ်။ သူက ဖုန်းဂိမ်းတွေကိုသဲသဲမဲမဲဆော့တတ်တယ်။ ဒါပေမယ့် စလော့တို့ onlineလောင်းကစားတို့ဆိုရင်တော့ သူကအမြဲတမ်းရှောင်တတ်တယ်။ ဆော့တဲ့ သူ့အလုပ်က လုပ်ဖော်ကိုင်ဖက်တွေကိုတောင် သူကတားနေ၊ သတိပေးနေတတ်သေးတယ်။ ဒါပေမယ့် တစ်ရက် ကျွန်တော်တို့ သူငယ်ချင်းတွေစုပြီး အလုပ်ပိတ်ရက် ညဖက် သောက်ကြ၊ စားကြ၊ ပျော်ကြ၊ ပါးကြ နဲ့ အချိန်ကုန်ဆုံးမယ့် တစ်နေ့ကိုရောက်လာတယ်။ အဲ့နေ့က သူက အလုပ်ကပြန်လာတာနောက်ကျတယ်။ ကျွန်တော်တို့က လူစုံနေပြီ။ သူ့ကိုစောင့်နေကြတာ၊ စကားတပြောပြောနဲ့။ သိပ်မကြာပါဘူး ၈နာရီလောက်သူရောက်လာတယ်။ တစ်ခါမှ မပြောဖူးတဲ့စကားကို သူပြောတယ်။    “ဟျောင့်တွေ… ဒီမှာ ကြည့်အုံး” သူ့လက်ထဲကဖုန်းကိုထောင်ပြရင်း    “ငါ့ အလုပ်ကဘဲတစ်ဗွေ ဆော့နေတာတွေ့လို့”    သူစကားပြောနေတုန်း သူ့မျက်နှာမှာ ကျွန်တော်မြင်မိလိုက်တာကတော့ လောဘဆိုတဲ့ အရိပ်ယောင်ကိုမဟုတ်ဘူး။ မသိသေးတဲ့အရာတစ်ခုကို စမ်းသပ်ရတော့မယ်ဆိုတဲ့ ပျော်ရွင်မှုမျိုး။    သူဆက်ပြောတယ်။    “ဟျောင့်ရေ… အဲ့ဘဲက အလုပ်ဆင်းတာတောင်မပြန်ပဲ ကုပ်ကုပ် ကုပ်ကုပ် နဲ့‌ ကြိတ်ဆော့နေတာ”    သူ့ဖုန်းထဲကလည်နေတဲ့ ဂိမ်းကို ထပ်ထောင်ပြတယ်။    “ငါသွားကြည့်လိုက်တော့ ဘောနပ်နဲ့ နိုင်ထားတာတဲ့ကွာ…၁၂သိန်းကျော်တယ်”    သူကတော့ အားရပါးရပဲ လက်သီးလက်မောင်း မတန်းရုံတမယ် ပြောနေတာ    ကျွန်တော်တို့ ဘော်ဒါ တစ်သိုက် အံ့ဩသွားတာပေါ့။ စလော့တို့ onlineလောင်းကစားတို့ကို မသိတဲ့လူတော့မရှိပါဘူး။ ဒါပေမယ့် ဒီလို ခါးခါးသီးသီး ဖြစ်နေတဲ့ တစ်‌ယောက်က စပြီး စမ်းသပ်ချင်နေပြီဆိုတော့ ထူးဆန်းလွန်းနေတယ်။    “ငါလဲ အဲ့ဘဲကို အာလူးဖုတ်ပြီး မုန့်ဖိုး ၅၀၀၀တောင်းလာလိုက်တယ်”    သူဝမ်းသာအားရဖြစ်နေတယ့် ပုံစံ ပြောနေတာ။ ကျွန်တော်တို့ကတော့ အပျော်ဆော့တာပဲ၊ ၅၀၀၀လောက်ကတော့၊ ဆော့ပါစေ ဆိုပြီး အတူတူတောင် အားပေးလိုက်သေးတယ်။    အစကတော့ဂိမ်းက သိသိသာသာကို နိုင်နေတာ။ ၅၀၀၀ ကနေ ၁၀၀၀၀၊ ၁၀၀၀၀ ကနေ ၂၀၀၀၀၊ ၂၀၀၀၀ ကနေ ၂၅၀၀၀ အဆင့်ဆင့်တတ်လာတာ။ ငွေပြန်ထုတ်ဖို့ ကျွန်တော်တို့က တိုက်တွန်းနေတာပေါ့။ သူက တုတ်တုတ်မှမလှုပ်။    “ငါ့အရင်းက ၅၀၀၀ ထဲဟ… နိုင်ရင် အချီကြီးရမှာ… ဒါကဆက်တတ်အုံးမှာ…ကြည့်နေ”    သူကတောင် ပြန်ဟောက် လိုက်သေးတယ်။    သိပ်မကြာပါဘူး ထိုးကြေးတွေ ဆတိုး တင်လှည့်လာပါလေရော။ တစ်ချက်မဟုတ်တစ်ချက်တော့ မိမှာပဲလို့ ပြောရင်း ပြောရင်းနဲ့ အရင်း ၅၀၀၀ ဆိုတာကပါ ပျောက်ချင်းမလှပျောက်သွားပါလေရော။ ၅၀၀၀ ကနေ ၂၅၀၀၀ ရောက်လာဖို့ ရှုံးတစ်လှည့် မြတ်တစ်လှည့် ကြည့်လိုက်ရသေးတယ်။ ၆ ကျပ် ပဲကျန်တဲ့ထိ ရောက်ဖို့ကတော့ နှစ်မိနစ်တောင်မခံလိုက်ဘူး။    ဒီအချိန်မှာသူ ဘေးမှာ ကြည့်နေရင်းကြိတ်မနိုင်ခဲမရ ဖြစ်နေတဲ့ ကျွန်တော်တို့ကိုဘာပြောမယ်ထင်လဲ။     “ငါမထုတ်လိုက်မိတာ မှားသွားတာတဲ့”    ဒီအချိန်ကစပြီးတော့ လစာထုတ်ရင် အဲ့ထုတ်တဲ့နေ့ ၁၀၀၀၀တန် ၁၀ရွက်ပဲ ချန်ပြီး ပြန်ရတဲ့ထိကို ဖြစ်သွားတော့တာပဲ။ တစ်လလုံးသုံးဖို့သူ့အတွက် ၁သိန်း ပဲကျန်တော့တယ်။ တစ်ထိုင်ထဲနဲ့ တစ်လလုံး အလုပ်လုပ်ခဲ့ရတာကို နိုင်မှာပါဆိုတဲ့ မျှော်လင့်လောဘ နဲ့ နှစ်မျှောပြစ် တတ်သွားတော့တယ်။    ကျွန်တော်ပြောချင်တာကတော့ သူတို့ပေးနိုင်မှ နိုင်မယ့်ဂိမ်းလို့ ကျွန်တော်ကတော့ ခံယူထားတယ်။ ကိုယ်ဘယ်လောက်ကြိုးစား ကြိုးစား အကုန်လုံးက သူတို့လက်ထဲမှာပဲ။ ကျွန်‌တော်ရေးဆွဲထားတဲ့ ဂိမ်းမဟုတ်တော့ ကျွန်တော့်ယူဆချက်ကမှားကောင်းမှားနိုင်တယ်ဗျ။ ဒါပေမယ့် သေချာတာတစ်ခုကတော့ အပျော်သဘောကနေ အပျက်ဆီကို မြှားဦးလှည့်ဖို့က အရမ်းလွယ်တယ်။ လက်ချောင်းလေးတွေပေါ်မှာပဲ ကိုယ့်ဘဝကို ပုံအပ်ထားရတာက တကယ်တော့ အဓိပ္ပါယ်လုံးဝ မရှိဘူးလေ၊ ဟုတ်တယ်မလား။ ဒါကြောင့် ‌ဘာဘောနပ်၊ ညာဘောနပ် တစ်ခုမှ စိတ်မဝင်စားနဲ့ ဂိမ်းဆော့ချင်ရင် ဆော့ပါလေ့ ဂိမ်းတွေမှအများကြီး။ ကြိုးစားသလောက်အရာမထင်တဲ့ လက်မဲကြီးတွေရဲ့ ကစားပွဲထဲကိုတော့ လုံးဝမဝင်သွားမိစေနဲ့။ ဝင်မိခဲ့ရင်လဲ ရတဲ့နည်းနဲ့ရုံးထွက်ခဲ့ပါ။ ကိုယ့်လူကို‌တော့ ဘယ်လိုမှ မနိုင်နိုင်တဲ့ ဂိမ်းပွဲကိုမဆော့စေချင်ဘူး…    ဒီနေ့တော့ ဒီလောက်ပါပဲဗျ။ ကျွန်တော်သိသလောက်ကို ပြန်လည်ပြောပြပေးတာမို့ အမှားတွေပါကောင်းပါနိုင်ပါတယ်။ အမှားဆိုရင်တောင် အမှန်ပြင်စေချင်လို့ မှားရတာပါ။ အပျော်ကနေ အပျက်ကို မလှမ်းမိပါစေနဲ့။     စာလုံးပေါင်းတွေမှားနေတာရှိရင်လဲ comment မှာ ထောက်ပြပေးသွားလို့ရပါတယ်ဗျ။ နောက်ထပ် ဗဟုသုတ ရစရာ စိတ်ဝင်စားစရာတွေအတွက်လဲ follow ပေးသွားပါအုံးနော်…. #k9bookshelf #လူငယ်များဆီသို့ #စာတို #ဗဟုသုတ #ပညာပေးလေးပါနော်

▶

▶ 74K ❤ 0 💬 0

"Titanic ထဲက လူမသိသေးတဲ့ လျှို့ဝှက်ချက် (၅) ခု။ ရုပ်ရှင်ရိုက်ကူးစရိတ်က သင်္ဘောအစစ်ထက် ပိုများခဲ့တယ်ဆိုတာ သိပါသလား? သမိုင်းဝင် စုံတွဲအိုကြီးရဲ့ တကယ့်ဇာတ်လမ်းနဲ့ တခြားထူးခြားတဲ့ အကြောင်းအရာတွေကို စုစည်းပေးထားပါတယ်။ နောက်ထပ် ဘယ်ရုပ်ရှင်အကြောင်း သိချင်သေးလဲ? ✨" #titanic #moviemyanmar #k9bookshelf #fyp

▶

▶ 577 ❤ 0 💬 0

ကျောက်ခေတ်ရောက်သွားရင် ကျောက်ခေတ်ကိုရောက်သွားရင် ပထမဆုံးရင်ဆိုင်ရမှာ ဘာလို့ထင်လဲ ကိုယ့်လူ။ သေချာတယ် social media အခက်ခဲပဲ။ ဒီမှာက မသိရင်မေးဖို့ Ai တွေရှိတယ်။ လမ်းမှားမှာလဲစိတ်ပူစရာမလိုဘူး Google Map ရှိတယ်။ ကျောက်ခေတ်မှာတော့ ကိုယ့်ဒူး ကိုယ်ချွန်ရမှာ။ နောက်တစ်ခုကတော့ အစားအသောက်ကိစ္စ။ ဒီမှာရှိတဲ့လူနေမှုပုံစံနဲ့ လားလားမှ မသတ်ဆိုင်တော့ဘူး။ အစားသောက်တွေ၊ အသီးအနှံတွေကို နောက်နေ့ခံအောင်ထားဖို့ အအေးခန်းမရှိဘူး။ ကျောက်ခေတ်လူသားဖြစ်နေတယ်ဆိုစေအုံး ဗိုက်ကတော့ ဆာမှာပဲလေ။ အဲ့အခါကြမှ တစ်နေ့လုပ်တစ်နေ့စား ဘဝကြီးကို ရတော့မှာ။ ဘာလို့ဆို အစားအသောက်တော်တော်များများက နောက်နေ့ထိအထားခံဖို့ဆိုတာ မလွယ်တော့ဘူးလေ။ အဲ့တာကြောင့် နေ့တိုင်းရှာပြီး ဗိုက်ဖြည့်ရတော့မယ်။ နောက်လာမယ့်ပြဿနာကတော့ အချိန်ဆိုတာကြီးကို မသိသေးဘူး။ သိတယ်ပဲထား ကိုယ့်လူက Genius အဖြစ်မွေးဖွားလာမယ်လို့ တပ်အပ် မပြောနိုင်ဘူး။ ဒါကြောင့် နာရီကို မတီထွင်နိုင်ဘူးပဲဆိုပါတော့။ ‌အဲ့တော့ ကိုယ့်လူအတွက်အချိန်ဇယားကရှင်းရှင်းလေးပဲ နေထွက်လာရင်အလုပ်လုပ်မယ်။ အမဲလိုက်၊ သောက်ဖို့ရေရှာ၊ နေရာထိုင်ခင်းပြင်ဆင်၊ မီးအမြဲတမ်းလင်းနေအောင်လို့ မီးလင်းဖို ကိုဂရုစိုက်။ နေဝင်ရင်တော့ အလုပ်ချိန်ပြီးပြီ။ တစ်နေလုံးပင်ပန်းခဲ့ သမျှ အတိုးချပြီးတော့သာ အိပ်တော့။ ဒီလိုပဲလည်ပတ်နေမှာ။ ဝါသနာတစ်ခုတိုးလာမယ်။ ဖုန်းသုံး၊ ရုပ်ရှင်ကြည့်၊ TikTok ကြည့်ပြီးနေလာခဲ့တာတောင် တစ်ခါတစ်လေ ပျင်းတယ်လို့မခံစားရဘူးလား။ ဒီကျောက်ခေတ်မှာလဲ ဒီလိုပဲ သုံးဖို့ဖုန်းကိုမရှိတာ။ ဒါကြောင့် ကျောက်ပြားကြီးကို ဖုန်းလုပ်ပြီး ငယ်ငယ်တုန်းကလိုဆော့နေမလား။ မဆော့ဘူးလေ ဟုတ်တယ်ဟုတ်။ အဲ့တော့ ဝါသနာ တစ်ခုရှိမှရတော့မယ်။ ကျောက်ခေတ်ဆိုတော့ နည်းပညာကန့်သတ်ချက်တွေအများကြီးရှိတယ်။ အဲ့တာကြောင့် အနီးစက်ဆုံးနဲ့ အပျင်းပြေနိုင်ဆုံး ဖြစ်စေမှာကတော့ ရွံ့ပေါ်မှာ ဟိုလျှောက်ခြစ် ဒီလျှောက်ခြစ်တဲ့ ပန်းချီပဲ။ အပျင်းလဲပြေမယ်။ ကိုယ့်စိတ်ခံစားချက်ကိုလဲ ဖော်ပြရာရောက်တယ်။ နှောင်းလူတွေအတွက်လဲ အနုပညာတစ်ခု ဖန်တီးပေးထားခဲ့နိုင်မယ်။ မကောင်းဘူးလား။ နောက်ဆုံးတစ်ချက်ကတော့ ကျန်းမာရေးပဲ။ ဒီဖက်ခေတ်လို ဆေးရုံ၊ ဆေးခန်းတွေမရှိဘူး။ ဗိုက်အောင့်၊ ခေါင်းမူး ဒီလိုပြဿနာတွေက နေ့စဉ်ကြုံတွေ့ရနိုင်တယ်။ တောတောင်ထဲမှာ နေရတာဆိုတော့ ခြင် အန္တရာယ်ကလဲ တစ်မှောင့်။ ကမ္ဘာဦးက ခြင်တွေဆိုတော့ ကိုယ့်လူကိုတောင် ချီသွားမလား မပြောတတ်ဘူး။ တစ်ခါက တစ်တော့မှာ နာမည်ကြီးသွားတဲ့ မှိုကိုသိလား။ စားလိုက်တဲ့လူကို မြင်ယောင်မြင်မှားတွေဖြစ်စေတာလေ။ အဲ့မှိုကိုသာ ကန်စွန်းရွက်နဲ့ ကြော်စားလိုက်မိရင်တော့။ ခြင်္သေ့လိုက်လို့ ပြေးနေရရင်တောင် တိမ်တွေပေါ်ပြေးနေရတယ်ပဲထင်နေမှာ။ ဖြူးကောင်ကို ဘောလုံးလိုကန်မိလိုက်ရင်တော့ ခြေထောက်သံဇကာ ဖြစ်ပြီပဲ။ အခက်ခဲတွေမှ အများကြီးပဲနော်။ လက်လှမ်းမမှီနိုင်တဲ့ ပြဿနာကြီးတွေတောင်ရှိနိုင်အုံးမှာ။ စိတ်ကူးလေးနဲ့တောင် မသွားနဲ့။ ခုလက်ရှိ ဘဝမှာပဲပျော်အောင်နေ။ ကိုယ့်ကောင်းကျိုးနဲ့ သူတစ်ပါးကောင်းကျိုးမျှအောင်ကြိုးစား။ ပစ္စုပန်ထက် ကောင်းတဲ့ ကာလဆိုတာမရှိဘူး။ #fyp #k9bookshelf #ဗဟုသုတ #fypviralシ #မြန်မာ